Escenario GalizaTTD

Este é o repositorio onde está o escenario de GalizaTTD, así como todos os NewGRFs e librarías que se utilizan.

Note

💡 Podes unirte ao Discord de GalizaTTD a través da ligazón https://i.gal/GalizaTTD

🗂️ Táboa de contidos

• 🗂️ Táboa de contidos
• 🌈 Compoñentes principais
  • 🐛 Problemas coñecidos
  • 🛣️ Folla de ruta
• 🚀 Como comezar a xogar
  • 🧩 Requerimentos
  • 🧑‍🦱 Xogar en solitario
  • 🫂 Multixogador
• 🙋 Soporte e contribucións
• 🏆 Créditos e recoñecementos 🙏
• ⚖️ Licenza

🌈 Compoñentes principais

• 🌍 Escenario feito a partir do mapa de alturas, engadindo manualmente todos os ríos, os 313 concellos de Galiza e moitas mais vilas de Asturias, León e Portugal.
• 🌐 Localizado a galego o xogo base e o JGR Patch Pack, así como os principais NewGRF (Industrias, ferrocarrís e vehículos de estrada)
• 🏭 Pack de Industrias baseado en FIRS que expande as posibilidades con características propias da economía galega tanto do pasado coma da actualidade.
• 🚆 Ferrocarrís, estradas, globos aerostáticos e outros NewGRF desenvoltas para GalizaTTD.
• 📦 NewGRFs para decoracións (Auz) e moitos máis de apoio.

🐛 Problemas coñecidos

• A Xeración de mapa de alturas non inclúe os ríos mais aló da desembocadura, xa que están a máis altura. Tampouco as vilas, ainda que iso pode ter solución nun futuro próximo.

🛣️ Folla de ruta

• Desenvolver un pack de casas incorporando casas propias de cada rexión que se vaian construíndo soas nesas rexións baseandose na localización. Comezado pero deixado para mais adiante.
• Desenvolver un pack de obxectos decorativos propias da Galiza onde se inclúan castros, faros, monumentos varios e o que consideremos.
• En caso de facer novos tipos de chan, hai unha ferramente dispoñible en Github para facela apta para pendentes e costas: https://github.com/chujo-chujo/Slope-Generator
• Facer a localización do pack de trens de China.

⬆️ Volver arriba

🚀 Como comezar a xogar

Temos unha serie de vídeos onde, ademáis de explicar conceptos básicos do xogo, comezamos pola instalación, podes velos nesta ligazón.

🧩 Requerimentos

• OpenTTD JGR Patch 0.61.0 - O noso escenario está pensado para xogar en partidas cooperativas con todas as funcionalidades do parche. Actualmente usamos a versión
• Descargar este repositorio e levar as carpetas game, newgrf e scenario a carpeta de ficheiros do OpenTTD, a saber:
  • Windows: Mis Documentos ➜ OpenTTD ➜ newgrf
  • MacOs: ~/Documents/OpenTTD/newgrf (OSX)
  • Linux: ~/.local/share/openttd/newgrf

🧑‍🦱 Xogar en solitario

Unha vez cumplidos os requerimentos só hai que iniciar o xogo e premer en Xogar escenario ou xogar Mapa de alturas e escoller o de galizattd.

🫂 Multixogador

As partidas multixogador no escenario, de habelas, organizaremolas mediante o Discord de GalizaTTD, o cal podes acceder mediante esta ligazón.

⬆️ Volver arriba

🙋 Soporte e contribucións

Se necesitas axuda ou queres axudar co proxecto (contribuindo co escenario, localización ou calquera outra cousa), podes facelo aquí ou a través do [Discord]. Se o cambio que queres facer afecta directamente o escenario, coméntao antes de facer cambios xa que pode que haxa unha versión máis recente pendente de subir ao repositorio. Calquera contribución será gratamente recibida.

🏆 Créditos e recoñecementos 🙏

• Pablo Villaverde Castro - @fedello
• Jose Parada - @randomHose - Testeo e sprites de NewGRFs propios
• Miguel González - https://mgtrad.gal/ - Contribución inicial coa localización o galego
• Asociación Cultural Obradoiro Dixital Galego

⚖️ Licenza

- Distribuído baixo a licenza GNU GPL-v3. Ver LICENZA para mais información.

⬆️ Volver arriba